Пред зградата на Средното машинско училиште во Сараево, утрово од огнено оружје е повреден еден ученик. Полицијата во 08:00 часот добила информација за инцидент во училиштето во кој има повреден ученик.
Првите информации велат дека бил повреден од млад човек кој не учел во ова школо, но дека и претходно имале конфликт. Ученикот бил ранет во ногата.
Пред училиштето има полициски патроли, а интервенирала и Брзата помош.
Засега не се знае степенот на повредите на ученикот, а напаѓачот е приведен. Во тек е полициска истрага.