Откако украинските сили ја нападнаа руската област Курск, повеќе од 112.000 луѓе се евакуирани од регионот, но околу 40.000 жители на Курск одбија евакуација, изјави денеска Татјана Москалкова, комесар за човекови права на Руската Федерација.
Во интервју за веб-страницата Аргументи и факти, Москалкова рече дека, според податоците на руското Министерство за вонредни ситуации, од областа Курск биле евакуирани вкупно 112.337 лица, од кои 12.328 биле жители на градот Курск, вклучително и 3.685 деца, пренесува РИА Новости.
Досега на територијата на 65 руски региони се отворени 960 центри за привремено сместување на граѓаните кои беа евакуирани поради украинското гранатирање.