Веќе извесно време во американските и британските медиуми се шират гласини за невољите во калифорнискиот рај на принцот Хари и Меган Маркл.
Приказната за крајот на бракот што до срж го потресе британското кралско семејство е поткрепена со различни изјави од доверливи извори, анализи на секоја нивна акција и движење и секоја фотографија.
Дека нешто не е во ред во нивниот брак и дека всушност се разведуваат, последен доказ или аргумент е фактот што парот никаде не се појавил заедно долго време и дека секој од нив „го живее својот живот“. Се споменува „пробна разделба“ поради различните животни стилови.
US Weekly пресмета дека Хари, кој во последните 15 дена бил во Њујорк, потоа во Лондон и на крајот во Африка, во Лесото, на осум јавни настапи дошол сам. И секогаш бил многу добро расположен. Пред тоа дури и 40-от роденден, по кратка прослава дома, го прославил со пријателите, далеку од Меган и децата.
За британските медиуми особено е интересен податокот дека тие двајца не биле заедно во Лесото. За таа африканска земја во која поминуваше многу време, принцот секогаш велеше дека тоа е неговиот втор дом.
Со оглед на тоа дека Лесото е многу близок до срцето на Хари, а тамошното кралско семејство „имало големо влијание врз неговото воспитување“ и тоа е важен дел од неговиот живот, на многумина им е необично тоа што неговата сопруга не му се придружила.
„Дејли мејл“ објави изјава од инсајдер кој рече дека таа не отпатувала во Африка со сопругот зошто „не би можела да ги остави децата“.
„Можеби тоа е вистина… Но, таа никогаш не била во Лесото, што ми е малку чудно и изненадувачки бидејќи таа земја е вториот дом на принцот, а кралското семејство е неговото второ семејство. Сентебале е важен дел од неговиот живот, па се чини нормално дека нешто толку важно што сака да го сподели со својот животен партнер.
Во исто време кога Хари патуваше, Меган докажуваше дека самата може да привлече внимание. Збунетите коментатори велат дека таа го зголемила влогот во докажувањето на нејзината независност и се обидела напорно да го украде шоуто.
Пример за тоа е црвениот фустан кој го носеше на неодамнешниот хуманитарен настан во Лос Анџелес, за кој со денови се зборуваше и пишуваше.
Упатените во различни медиуми велат дека таа влегла во периодот „сеедно ми е за се“ и решила да ги игнорира критиките.
“Пред да го запознае Хари, таа секогаш носеше комбинации кои не можеше да не бидат забележани на црвениот тепих. Секогаш го сакаше вниманието”, рече извор за списанието ОК.
„Таа дефинитивно се врати на својот преткралски стил сега.
Истиот извор близок до парот рече дека таа и Хари одлучиле секој да си ја продолжи својата кариера.
Таа одлучи дека е главна ѕвезда кога сама доаѓа на настани“, заклучил тој.
Колумнистката на Сан, Клеми Муди, во својата колумна напиша дека не е баш јасно што се случува во овој брак.
„Веројатно само двајцата знаат. И на крајот на краиштата, зошто би ни известувале колку е напната атмосферата или колку е опуштена атмосферата на појадокот во нивната куќа“, додаде таа.
„Каква и да е вистината, тие си направија многу лоша услуга и долеаа масло на огнот на гласините за разводот“.