Рускиот претседател Владимир Путин денеска изјави дека Русија може да користи нуклеарно оружје доколку биде нападната од која било земја и дека секој конвенционален напад врз Русија поддржан од која било нуклеарна сила ќе се смета за заеднички напад.
На состанокот на Советот за безбедност за нуклеарно одвраќање, Путин предложи да се воведат бројни појаснувања во врска со условите за руска употреба на нуклеарно оружје, пренесе РИА Новости.
„На денешната агенда имаме прашање поврзано со ажурирање на основите на државната политика во областа на нуклеарното одвраќање, заедно со воената доктрина, ова е документ во кој официјално е дефинирана и детално елаборирана нуклеарната стратегија на Русија“, нагласи Путин.