Маж рани две лица додека пукал со автомат во една од продавниците во Киев. На видеото се гледа како млад човек влегува во продавницата со вперенo оружје во вработените и муштериите.
„На 22 септември околу 14 часот во полиција било пријавено дека непознато машко лице влегло во продавница во Обуховшчина и почнало по случаен избор да пука“, соопшти полицијата.
Украинскиот портал Страна наведува дека се ранети продавачот и сопственик на локалот. Напаѓачот побегнал, но полицијата успеала да го идентификува и лоцира. Испадна дека станува збор за локален жител кој претходно бил осудуван. Сега му се заканува затворска казна до седум години.