Голем пожар избувна во нафтената рафинерија во Агиа Теодора на патот од Атика кон Коринтија. Грчката противпожарна служба соопшти дека се мобилизирани копнени и воздушни сили за гаснење на пожарот. Пожарот моментално не им се заканува на наполнетите цистерни, но гаснењето се смета за тешка операција и планот е да се намокри целиот периметар за да се спречи ширење на пламенот. Тројца работници со полесни повреди се пренесени во болница.
Σε εξέλιξη η μεγάλη φωτιά στις εγκατασάσεις της Motor Oil στους Αγίους Θεοδώρους – Εκκενώνεται η ευρύτερη περιοχή pic.twitter.com/X9bfujy075
— Dimitris Perros (@dimperros) September 17, 2024
Густ црн чад се гледа од неколку километри, додека жителите од околните населени места добиле порака да се евакуираат. Локалните медиуми јавуваат дека гори мазут и дека според првичните проценки пожарот најверојатно настанал од експлозија при чистење на резервоарот.
Βίντεο που μου έστειλε η φίλη μου.
Μοτορ οιλ τώρα. pic.twitter.com/Lh0OFgt93t— 𝕏𝕣𝕚𝕤𝕒𝕜𝕚 𝕡𝕒𝕡 (@XrisakiPap) September 17, 2024
Итно е запрен патниот и железничкиот сообраќај, а се очекуваат доцнења и откажувања на летови. Министерот за цивилна заштита Василис Кикилијас го информираше премиерот Киријакос Мицотакис за пожарот во рафинериите.
#εκρηξη #φωτια #MotorOil pic.twitter.com/iXZHgyh5ri
— antonis kelaidonis (@antonkelaidon) September 17, 2024
Денеска, 17 септември, од засега непознати причини избувна пожар од големи размери во делот на единиците за рафинирање на јужната рафинерија на Мотор Оил во Аги Теодори. Ситуацијата е под контрола.
Од пожарот полесно се повредени тројца вработени од фирма-изведувач, кои се пренесени во болницата Коринт и им е укажана неопходната нега.
Од почетокот на инцидентот сме во континуирана соработка со надлежните служби. Им благодариме на Противпожарната служба и нејзините луѓе за соработката од првиот момент, информираа од Мотор оил.