Трамп: Навреден сум што Путин ја поддржа Камала на претседателските избори

Од:

Поранешниот американски претседател и републикански претседателски кандидат во ноември, Доналд Трамп изјави дека е навреден од изјавата на рускиот претседател Владимир Путин за поддршка на демократската кандидатка Камала Харис.

Како што јави ТАСС, рускиот лидер оваа недела иронично изјави дека откако американскиот претседател Џозеф Бајден беше „повлечен“ од претседателската трка, Москва ја поддржа Камала Харис.

Путин додаде дека изборот е на американскиот народ.

„Го познавам Путин. Го познавам многу добро. Знаете тој ја поддржа Камала! Тоа многу ме навреди. Се прашувам зошто ја поддржува Камала“, рече Трамп на митингот во Висконсин, додавајќи дека можеби тоа било кажано на шега.

Трамп претходно ги опиша Путин, кинескиот претседател Си Џинпинг и турскиот лидер Реџеп Таип Ердоган како шахисти од светска класа.

Би можело да ве интересира

Трамп: Кина е многу потешко погодена од американските царини од 54 отсто

Иран: Америка не само што не понижува нас, туку и целиот свет

Европа подготвува контрамерки за американските царини

Трамп: Царините се „многу важни“ за националната безбедност на САД

Трамп: Хутите никогаш повеќе нема да ги потонат нашите бродови

Основните царини на Трамп стапија на сила