Амбасадорот и постојан претставник во ООН во Њујорк, професорот д-р Љубомир Фрчкоски поднел оставка на позицијата. Фрчкоски оставката ја поднел до претседателката Гордана Сиљановска – Давкова и за тоа го известил МНР.
Поранешниот министер за внатрешни и за надворешни работи, на амбасадорската позиција во Њујорк беше назначен во 2022 година. Указот за неговото назначување го потпиша тогашниот шеф на државата Стево Пендаровски.
Министерот за надворешни работи и надворешна трговија, Тимчо Муцунски, деновиве во изјава за една телевизија, кажа дека Фрчкоски бил повикан на разговор во МНР поради наводни финансиски нерегуларности во работењето на претставништвото, но оти до разговорот се уште не дошло поради здравствени причини на амбасадорот.