Петре Шилегов и Роберт Поповски, очигледно добиле тешка задача, а тоа е да смислат начин како да ја дефокусираат јавноста од прашањата поврзани со јавните набавки во Струмица, стои во реакцијата од ВМРО – ДПМНЕ на денешната прес – конференција на портпаролот на СДСМ, Петре Шилегов.
– Немајќи што да одговорат и како да објаснат дека скоро цела фамилија на Зоран Заев добивала тендери во Општина Струмица тие очигледно се трудат со измислици и лаги за министерката Гордана Јанкулоска да ја натераат македонската јавност да го заборави скандалот на кланот Заеви. Тврдењата на Петре Шилегов се лажни, што и неколку пати беше потврдено и докажано со неколку цврсти докази и документи и со информации од надлежните институции, стои во реакцијата.
Од ВМРО – ДПМНЕ во реакцијата посочуваат дека Шилегов своите лаги, како што стои, ќе мора да ги правда на суд.
– Во овој случај ВМРО-ДПМНЕ јасно потенцира дека документите и доказите изнесени од министерката Јанкулоска се сигурен доказ дека Шилегов лаже, се вели во реакцијата од ВМРО – ДПМНЕ.