Машката одбојкарска репрезентација на Франција денеска го освои златниот медал на Олимписките игри во Париз, откако во финалето ја совлада Полска со резултат 3:0 (25:19, 25:20, 25:23).
Најефикасен во француската репрезентација беше Жан Патри со 17 поени, додека Тревор Клевено постигна 11. Кај полскиот тим најдобар беше Бартош Курек со 10 поени.
Така Франција го одбрани златото освоено на Олимписките игри во Токио, додека избраниците на Никола Грбиќ не успеаја да пружат посилен отпор во финалето.
Бронзениот медал го освои селекцијата на САД која во петокот ја совлада Италија со 3:0.