Кумановската полиција во соработка со СВР Скопје го уапси 24-годишниот С.А. од Арачиново за сторено кривично дело „убиство“.
Осомничениот С.А. е соучесник во убиството кое се случи пред помалку од една година, односно на 18 октомври, на улицата „11 Ноември“ пред влезот на Итна помош Куманово.
Како што информираат од кумановската полиција, Б.А. со девет истрели од пиштол го убил 31-годишниот Е.Љ од село Опае.
Мотив за убиството, како што соопштува кумановската полиција, се претходно нерасчистени односи.
СВР Куманово презема мерки за пронаоѓање на уште две лица кои се уште се во бегство. Истражен судија на 24-годишниот арачиновец му одреди мерка притвор во траење од триесет дена.
