Уште еден авион „боинг“ имаше проблеми минатиот викенд, додека компанијата е под интензивна контрола од почетокот на годинава.
За време на летот на авиокомпанијата „Korean Air“, авионот се спуштил за речиси девет илјади метри за 15 минути поради пад на притисокот во кабината, пренесува британски Дејли Мејл.
Инцидентот се случи во саботата, само 30 минути по полетувањето од аеродромот Инчеон, а како што пренесува британскиот таблоид, станува збор за авион „Боинг“ 737 MAX 8, чија дестинација бил аеродромот Тајчунг.
A Korean Air flight from Seoul to Taichung was forced to perform an emergency U-turn after experiencing a dramatic loss of cabin pressure.
The aircraft, a Boeing 737 Max 8 operating as flight KE189, dropped more than 25,000 feet, triggering a panic among passengers. pic.twitter.com/Kym5sq3J6a
— The NewsWale (@TheNewswale) June 26, 2024
По инцидентот лекарска помош побарале 17 патници поради болки во ушите, а подоцна биле прегледани и пуштени без сериозни повреди, пишува Дејли Мејл.
Како што е објавено на социјалната мрежа Х, при „колапсот“ на авионот на патниците им било кажано веднаш да користат маски за кислород, а поради тоа неколку патници побарале помош поради хипервентилација.
„Пеколното“ патување продолжило дури следниот ден, а компанијата „Кореан Ер“ им се извинила на сите кои биле засегнати од ситуацијата со објаснување дека во тек е истрага за расветлување на околностите на инцидентот.