До крајот на годинавасе очекува Општина Прилеп да заврши со легализацијата на дивоградби и со тоа да биде меѓу првите во земјава.Од септември 2011 година, кога започна овој процес, па сѐ досега, поднесени се повеќе од 15 илјади барања.
По завршување на процесот, локалната самоуправа очекува да инкасираоколу 1,5 милион евра, а со легализацијата на постојните објекти ќе биде зголемена и основицата за оданочување, што би значело и повеќе средства во општинската каса, а со тоа и зголемување на кредитниот рејтинг на градот од 500 на околу 600 милиони евра.
Од Општината апелираат до граѓаните што не ја комплетирале потребната документација тоа да го сторат најдоцна до јуни следната година, кога е и крајниот рок за аплицирање, за да имаат повеќе простор за разгледување и комплетирање на поднесените барања, а ова најчесто се однесува на геодетските елаборати.
А.Ш.