Две лица на загрепската болница „Ребро“ починаа денеска откако се заразиле со легионела.
Според Danas.hr, вкупно шест лица се заразиле со Легионерска болест во болница. Додаваат дека сите заразени имаат тешки коморбидитети и се имунокомпромитирани.
КБЦ Загреб претходно потврди дека легионела се појавила во болница и дека ја изолирале во вода.
„Веднаш го алармиравме Хрватскиот институт за јавно здравје кој ги направи сите анализи и бактеријата е изолирана во водоводниот систем, во моментов е во тек пастеризацијата, односно се пушта топла вода од сите чешми во болницата“ изјави Миливој Новак, помошник директор за квалитет.
Легионерската болест е атипична пневмонија предизвикана од бактерии. Се третира со антибиотици, азитромицин, кинолони или рифампицин.