Францускиот фудбалер Килијан Мбапе ќе мора да оди на операција на носот.
Новиот напаѓач на Реал Мадрид заработи повреда на крајот од мечот со Австрија која им припадна на „триколорите“ со 1:0.
Мбапе со носот го удри Кевин Данс, по што тој остана да лежи.
Му беше укажана лекарска помош, а набрзо местото на теренот му го отстапи на Оливие Жиру.
Дидие Дешан по натпреварот изјави дека ситуацијата не е добра и дека Мбапе најверојатно го скршил носот, по што потврда стигна од Францускиот фудбалски сојуз.
Мбапе ќе биде опериран во Дизелдорф, а се уште не е познато дали ќе мора да се повлече од Европското првенство.
Следниот натпревар Франција го игра против Холандија на 21 јуни од 21 часот во Лајпциг.