Данската премиерка Мете Фредериксен е во состојба на шок откако вечерва беше нападната и удрена од маж во центарот на Копенхаген, соопштија од полицијата и од кабинетот на премиерката.
Не е јасно дали Фредериксен била повредена за време на нападот. Данската новинска агенција Рикау објави дека напаѓачот е уапсен по инцидентот.
Данското Министерство за внатрешни работи на платформата Х објави дека го истражува инцидентот.
Министерството за данската телевизиска мрежа ДР изјави дека премиерката Фредериксен е шокирана од инцидентот и дека немаат дополнителни коментари.
Данските политичари, без разлика на нивната политичка определба, испраќаат пораки со поддршка до премиерката откако таа беше нападната.
Данскиот министер за економија Мортен Бедсков оцени дека нападот врз премиерката е „целосно неразумен“ и „страшен“.