Српскиот тенисер Новак Ѓоковиќ во средата наутро наводно отишол на прегледи во Ургентниот центар во Белград.
Најдобриот играч на светот тајно бил донесен во болница каде му бил извршен преглед на главата, пренесува „Информер“.
Се наведува дека Новак бил расположен, дека се фотографирал со вработените, но и дека се жалел на главоболка.
Да потсетиме, по мечот со Корентано Муте во Рим, Ѓоковиќ беше удрен со шише во главата.
По поразот од Алехандро Табило во следниот меч, Новак се врати во Белград, а следен турнир кој го очекува е Ролан Гарос кој е закажан за 26 мај.
Ѓоковиќ ја брани титулата во Париз.