Британскиот министер за одбрана Грант Шапс призна дека Лондон му дал дозвола на Киев да го нападне Крим со оружје што го снабдува Велика Британија, бидејќи го смета полуостровот за дел од Украина.
– Како што знаете, дадовме дозволи за употреба на оружје на територијата на Украина, вклучително и Крим, за кој сметаме дека е составен дел на Украина – изјави Шапс на конференцијата „Си Пауер“ во Лондон.
Тој посочи дека Велика Британија секогаш ќе дозволува употреба на своето оружје во Украина и во другите земји само во целосна согласност со меѓународното хуманитарно право, пренесе „Скај њуз“.