Две лица од Скопје на возраст од 19 и 25 години заработија кривични пријави поради сомнение дека извршиле 14 кражби на велосипеди и се офајдиле со 164.300 денари.
Тешките кражби двајцата пријавени ги извршиле на различни подрачја и 11 во Карпош, две во Центар а една тешка кражба е извршена во Чаир.
„Кражбите ги извршувале во различен период од денот, а украдените велосипеди ги продавале на дивите пазари Под Кале и во Шуто Оризари на случајни минувачи за многу пониски цени од реалните додека добиените пари ги трошеле за опојни дроги, алкохол и други лични потреби“ – се вели во соопштението од МВР.