Најмалку три лица загинаа во торнадо во американската сојузна држава Охајо, соопштија денеска официјални лица.
Торнадото погоди најмалку седум американски држави на средниот запад и јужниот дел на САД во четвртокот вечерта, јави телевизијата ABC.
Торнада ги погодија Охајо, Индијана, Кентаки, Илиноис, Арканзас, Мисури и Тексас.
– Торнадото предизвика најголема штета во градот Винчестер, Индијана, каде се повредени 38 лица, од кои 12 се пренесени во болници, изјави градоначалникот Боб Мекој на прес-конференција во петокот.
Мекој рече дека 22 куќи се целосно уништени, а 110 куќи се сериозно оштетени во торнадото во Винчестер.