Во пожар што избувна во повеќекатница во кинескиот град Нанџинг, загинаа 15 лица, а најмалку 44 лица се повредени. Истрагата е во тек, а се претпоставува дека пожарот го предизвикале електрични велосипеди кои се запалиле.
A fire broke out in Nanjing, Jiangsu province in eastern China.
According to information, 15 people died and 44 people were injured as a result of the incident.#china #chinafire #jiangsu pic.twitter.com/FD0HHg8kG4
— Action Vortex 🚀 (@action_laugh) February 24, 2024
Пожарот избувнал во 4.39 часот по локално време, во складиштето за електрични велосипеди сместено во приземјето на зградата. Медиумите јавуваат дека жителите ги разбудиле звуците на експлозијата, по што виделе дека пожарот се шири кон горните катови.
На видеата објавени на социјалните мрежи се гледаат жителите на највисоките катови кои повикуваат на помош од прозорците. Најмалку 44 лица се повредени, а повеќе од 500 жители на зградата се сместени во хотели.