Западот ќе ги заостри антируските санкции преку нови санкции кои ќе бидат воведени на 23 февруари, изјави Викторија Нуланд, американски државен потсекретар за политички прашања.
Според неа, овие ограничувања наскоро ќе бидат значително заострени по воведувањето на нови големи пакети санкции, чија цел, меѓу другото, е да ги „задуши напорите на Русија“ да ги заобиколи рестриктивните мерки што Западот веќе ги воведе, пренесува Тас.
Претходно во Лондон беше објавен уште еден пакет санкции против Русија.
На списокот со рестриктивни мерки беа додадени 50 нови ставки, меѓу кои и компании од воено-индустрискиот комплекс и трговци со дијаманти.