Доградбата и надградбата на ОУ „Блаже Конески“ е капитална инвестиција за која 100 милиони денари одвои Владата од централниот Буџет за 2024 година. Владеачкото мнозинство во Собрането предводено од СДСМ во амандманската расправа за Буџетот прифати амандмани на опозицијата со кои се обезбедија 2 милијарди денари, односно 32,5 милиони евра за капитални инвестиции во вкупно 44 општини во државата, вели пратеничката на СДСМ Даниела николова која е и претседателка на општинската организација на партијата за Аеродром.
– Од овие средства за Аеродром се одвоени вкупно 170 милиони денари со кои во 2024 година се овозможи доградбата и наградбата на ОУ Блаже Конески и изградба на нов објект на клонот изворче од ДГ Срничка. Оваа инвестиција го решава проблемот со недостаток на места во училиштата и градинките на територија на Стар Аеродром. Парламентарното мнозинство даде поддршка за овие амандмани со цел да го поттикне развојот на општините и да создаде услови за рамномерен регионален развој. Спротивно на тоа, во отсуство на капитални инвестиции финансирани од Буџетот на Општина Аеродром, Тимчо Муцунски не пропушти да се пофали и со овие капитални проекти. Го повикуваме Тимчо Муцунски да ги засука ракавите и да почне да работи. Наместо да се фали со туѓи проекти, нека почне конечно да ја реализира програмата за која доби поддршка од граѓаните пред 2 години. Општинита нема сама да се исчисти, четирите градинки нема сами да се иградат. Исто и 3.000 нови паркинг места, новите кружни текови, улици, велосипедски и пешачки површини, рече Николова.