Руското Министерство за вонредни ситуации соопшти дека денеска биле извлечени телата на пет лица од урнатините на пекара во Лисичанск во самопрогласената Луганска Народна Република (ЛНР), во источна Украина, тврдејќи дека инцидентот го предизвикал Украинец.
„Во Лисичанск, вработените во руското Министерство за вонредни ситуации извлекоа шест лица од под урнатините. Пронајдени се и телата на пет жртви“, соопшти руското министерство на својот канал „Телеграм“.
Министерството за вонредни ситуации објави снимка од извлекување на згмечен автомобил од спасувачките екипи од урнатините на двокатната зграда, пренесува Ројтерс.