Повеќе од 60 пожарникари гаснат огромен пожар во кинескиот трговски центар во Белград. Во гаснењето на пожарот учествуваат и три хеликоптери. Во близина има големо количество плински боци, а во моментов е најважно пожарот да не се прошири на тој дел од трговскиот центар.
Како што јавуваат репортерите од местото на настанот, од трговскиот центар се слушаат експлозии, а пожарникарите се обидуваат да ги убедат луѓето да не влегуваат за да си го спасат имотот бидејќи ситуацијата е сложена.
Лука Чаушиќ, началник на одделението за вонредни ситуации, посочува дека засега нема информации за повредени.
– Многу луѓе се обидуваат да го земат имотот со себе, на терен се и полицајци, едноставно даваат наредби да не се приближува, но има многу луѓе, се надевам дека нема да има човечки жртви“, изјави Чаушиќ и додаде:
– Еден пожарникар на местото на настанот рече дека „има многу плински боци таму долу“. Ако експлодираат, сите ќе нè нема – рече тој.