Конвенција за промоција на градоначалничката на Скопје Данела Арсовска за нов претседател на политичката партија Нова Алтернатива е најавена за утревечер во Скопје.
Конвенцијата, според најавата, ќе се одржи во х.„Континентал“ со почеток во 18 часот.
-Имаме чест да ве поканиме на конвенција за промоција на новиот претседател на политичката партија Нова Алтернатива Данела Арсовска. Конвенцијата ќе се одржи утре 17.01.2024 (среда) во 18 часот, во Кристална сала, хотел „Континентал“, стои во поканата за конвенцијата од партијата.
Арсовска претходно во телевизиско интервју информираше дека се подготвува да формира политичка партија.
