Стевчо Јакимовски мисли дека е за Холивуд, но тој не е ниту за Боливуд. Вчера тажеше зошто буџетот немало да се донесе, малтретираше вработени во општината на сила да протестираат, а веќе денес се труди да биде духовит, откако на сила го донесе буџетот, се вели во реакцијата на ВМРО-ДПМНЕ.
„Знаци за страдалник каков сакаше да се прикаже, денес има поприлично добро расположение. Тоа е последица не поради буџетот, туку поради милионите кои планира да ги дели со разни Јончевци и Пуцковци. Го чекаме времето како грбот на општината ќе го замени со амблемот на Пуцко Петрол, и тоа поради пусти пари. Но сепак не му е лесно. Левица му донесе буџет, под закана дека ќе оди во затвор СДС си го ќари, а за да остане богат треба да игра по нотите на Пуцко и ДУИ. Од многу комбинирање на крај овој пиун на СДС ќе се прекомбинира, велат од партијата.