Две лица загинаа, а повеќе од 20 се повредени, од кои пет се во критична состојба, во сообраќајна несреќа која се случи на автопат во Нов Јужен Велс, Австралија.
Службите за итни случаи се упатиле кон големиот западен автопат во Валераванг, 15 километри северно од Литгоу, по несреќата помеѓу пет автомобили. Несреќата се случила околу 12.50 часот по локално време во петокот.
Полицијата на Нов Јужен Велс потврди дека две лица загинале на местото на настанот.
Брзата помош на лице место укажала помош на 21 лице со различни повреди, а 15 лица се пренесени на болничко лекување.