На сплавот „Картел“, кој почна да тоне нешто по полноќ, кога на него се наоѓаа стотина млади луѓе, нема жртви или повредени, изјави Лука Чаушиќ, раководител на Одделот за вонредни состојби (СВС).
Тој за Танјуг изјави дека 114 лица биле евакуирани од страна на припадниците на Одделот за вонредни состојби.
Чаушиќ не можеше да го каже точниот број на луѓе кои биле на сплавот во моментот на несреќата, наведувајќи дека точните проценки ќе се знаат во наредниот период.
Тој изјави дека околу 1.30 ласот до командно-оперативниот центар на Управата за вонредни состојби за град Белград е пријавено дека сплавот „Картел“ без број почнал да тоне на реката Сава на улицата Савски кеј, а дека во него имало неколку стотици луѓе.
Со молскавична акција на сите, како што нагласи, МВР и речната полиција кои пристигнале за брзо време, како и припадниците на Секторот за вонредни ситуации кои за неколку минути пристигнаа на терен, започна евакуацијата.
„114 лица беа евакуирани од нашите членови. Ангажирани се 30 пожарникари-спасувачи со 11 возила и пет специјалистички екипи за спасување. Најважно е да нема повредени или загинати во овој настан“, рече Чаушиќ.
Српското МВР соопшти дека речната полиција од сплавот „Картел“ до сплавот до него евакуирала околу 30 лица.
Сплавот „Картел“ почна да тоне нешто по полноќ, во моментот кога на него на настап имапе групата „Цунами“, а на пловилото имало голем број млади луѓе.