МВР извести дека вчера во 18.53 часот во СВР Битола било пријавено дека на регионалниот пат Битола – Маково се случила сообраќајна несреќа помеѓу возило „сеат” управувано од С.Н.(41) од село Долно Агларци, општина Новаци, возило „БМВ” управувано од Ј.В.(29) од Ресен, возило „рено” управувано од Ј.О.(48) од Битола и товарно возило „даф” со полуприколка управувано од В.К.(38) од Република Албанија.
Од здобиените повреди на местото на несреќата починал возачот С.Н.(41), а лекар од Итната медицинска помош констатирал смрт.
Со тешки телесни повреди се здобиле двајца малолетни сопатници во возилото „сеат“ и Д.В.(64) од Ресен, сопатничка во возилото „БМВ“, додека со телесни повреди се здобиле возачите Ј.О., Ј.В. и М.С.Н.(36) од село Долно Агларци, сопатничка во возилото „сеат“, констатирани во клиничката болница во Битола.
Увид на местото на несреќата извршиле јавен обвинител и увидна екипа на СВР Битола.
