Порталите од регионот ја пренесуваат веста за начинот на кој годинава е накитено Скопје. Елката на плоштадот Македонија е опишана како несреќна, неугледна за дочек на Нова година, недовршена, искривена и ненакитена.
„Додека сите европски градови се тркаат кој ќе има поубаво накитени улици и плоштад, новогишната елка во Скопје стана предмет на потсмев на социјалните мрежи. Елката во престолнината на Македонија е хит на мрежите“, пишуваат медиумите од регионот.
Елката во Скопје пак, беше докитена вчера, но и крајниот резултат не беше пофален на социјалните мрежи. Градоначалничката Данела Арсовска на социјалните мрежи се пофали дека градот ќе биде украсен за 30.000 евра, но се уште не е јавно објавено која фирма ја добила оваа сума.