Мнозинството Американци, 62 отсто, живеат „од плата до плата“, покажува ноемвриското истражување на агенцијата Лендинг Клуб, што е ист процент како и пред една година и покрај падот на инфлацијата во споменатиот период.
Националната федерација за малопродажба на САД, и покрај ова, очекува расходите за празници од 1 ноември до 31 декември да пораснат меѓу три и четири проценти на годишно ниво, на речиси 966,6 милијарди долари, пренесува CNN.
Половина од американските потрошувачи планираат да преземат дополнителни долгови за да ги покријат трошоците за време на празничната сезона, покажува истражувањето.
Експертите предупредуваат дека кредитните картички го зголемуваат ризикот од задолжување.
Истражувањето на CNBC за август покажа дека 74 отсто од Американците се под стрес за нивните финансии.