Најмалку 116 луѓе загинаа, а стотици се повредени по земјотресот што ја погоди северозападна Кина, објавија денеска кинеските државни медиуми, додека спасувачките тимови се обидуваа да стигнат до преживеаните на температури под нулата. Земјотресот го погоди округот Џишишан во провинцијата Гансу доцна синоќа, при што беа оштетени домови и патишта.
WATCH: CCTV footage of magnitude 6.2 earthquake that killed at least 118 people in northwest China#Earthquake #China #ChinaEarthquake pic.twitter.com/tQZj5fn1w2
— World Times (@WorldTimesWT) December 19, 2023
Спасувачите веднаш започнале потрага по преживеани под урнатините. Според последните податоци, во провинцијата Гансу загинале 105 луѓе, а оштетени се повеќе од 4.700 куќи, соопштија покраинските власти на прес-конференција. Оттаму додаваат дека вкупно се повредени 397 лица, од кои 16 критично, а 76 потешко.
111 people died and 220 people were injured in the 6.2 magnitude earthquake that occurred in China's Gansu province. #ChinaEarthquake pic.twitter.com/0g8P0tq3G0
— 〽️Metin Smn (@MetinSmn) December 19, 2023
Според кинеската државна телевизија, во соседната провинција Кингхаи загинале 11 лица. Земјотресот се случил нешто пред полноќ додека многумина спиеле во своите домови. Измерена е јачина од 5,9 степени, објави Геолошкиот институт на САД. Кинеската управа за земјотреси даде малку повисока проценка, која е 6,2 степени според Рихтеровата скала.