Германската коалициска влада, која се состои од Зелените и либералите заедно со социјалдемократите на канцеларот Олаф Шолц, постигна договор за буџетот за 2024 година по неколкунеделни преговори, кој вклучува намалување на трошоците и субвенциите, додека поддршката за Украина ќе продолжи да биде значајна.
Уставниот суд на Германија претходно пресуди дека 60 милијарди евра од фондот за борба против пандемијата на корона вирусот не може да се користат за други цели, а непосредна последица за германската економија беше „дупка“ од 17 милијарди евра во буџетот за 2024 година.
– Владата се држи до своите цели – енергично ја туркаме климатската реконструкција на нашата земја, ја зајакнуваме социјалната кохезија и стоиме цврсто до Украина, но јасно е дека треба да се справиме со значително помалку пари, изјави германскиот канцелар Олаф Шолц.