Израелски тенкови пристигнаа во близина на индонезиска болница во северниот дел на Газа. Би-Би-Си ја потврди фотографијата објавена на социјалните мрежи. На неа се прикажани израелски тенкови лоцирани северно од болницата.
Околу 700 луѓе се во болница, вклучувајќи медицински тимови и ранети, според Министерството за здравство на Газа, кое го води Хамас. Министерството вели дека Израел се обидува „целосно да ја стави вон функција индонезиската болница“.
⚡️Israeli army ruthlessly firing at the windows of the Indonesian hospital in Gaza this morning pic.twitter.com/MHTG01MRxS
— War Monitor (@WarMonitors) November 20, 2023
Портпаролот на Министерството Ашраф ал-Кудра изјави дека 12 лица биле убиени во наводниот воздушен напад. Израелската армија не го коментираше инцидентот, само најави дека ја продолжува операцијата во Газа.
Заедно со информациите за 12 загинати во индонезиска болница во северниот дел на Појасот Газа, има и информации за повеќе од десетина загинати во близина на болница во јужниот дел на Газа.
Според Wafa, официјалната палестинска новинска агенција, 15 лица загинале, меѓу кои и деца и жени, по бомбардирањето на домови во близина на болницата Абу Јусеф Ал-Наџар во Рафах. Тие наведуваат и дека десетици се повредени.
Израелската армија не ги коментира овие настани.