Министерството за здравство на Хамас денеска соопшти дека повеќе од 80 лица се убиени во два одделни израелски напади врз бегалски камп, кој е под контрола на ОН во северниот дел на Појасот Газа.
Агенцијата AFP побара коментар од израелската армија и Агенцијата за бегалци на ОН (UNRWA), но се уште не добила одговор.
Претходно, Министерството на Хамас објави дека најмалку 50 лица загинале во бомбардирањето на училиште на ОН во кое се сместени раселените Палестинци во Џабалија.
„Тој напад се случи во зори во училиштето Фахура“, изјави претставник на министерството за АФП.
Update: UN Al Fakhura School where thousands of Palestinian families have sought shelter bombed by #IDFTerroristArmy. Bodies of women and children can be seen scattered all over along with their few belongings. Children can be heard crying out for their parents and siblings. pic.twitter.com/V0bnC4Zh3X
— marieyolette (@jesuieserenity) November 18, 2023
На снимките објавени на социјалните мрежи се гледаат тела, некои крвави, други покриени со прашина, на катовите на зградата каде што биле поставени душеци под училишните клупи.
Во Џабалија, УНРВА управува и со 26 училишта и два здравствени домови, а третиот се наоѓа во околината.
Според податоците на таа агенција на ОН, најмалку 71 раселен Палестинец загинале, а 573 се ранети во 154 засолништа што ОН ги отвориле во Појасот Газа.
Според УНРВА, во овие засолништа има 813.000 раселени лица.
Katil İsrail, Gazze'nin kuzeyinde BM’ye bağlı Fakhura Okulunu bombaladı.
En az 50 şehit var. Okul yüzlerce kişiye sığınak görevi görüyordu
Ölenlerin çoğu çocuk
— medya adamı (@medyaadami) November 18, 2023
Одбранбените сили на Израел (ИДФ) соопштија дека ги истражуваат извештаите за десетици смртни случаи во училиштето.
Портпаролот на ИДФ, полковник Питер Лернер, изјави за Би-Би-Си: „Не можам да потврдам дека ИДФ е одговорна за овој инцидент. Покренавме истрага“. Што се однесува до болницата Ал-Шифа, Лернер наведува дека ИДФ ја олеснила испораката на залихи до болницата и дека воените лекари ќе им понудат медицинска помош на повредените доколку биде побарано.
„Голем предизвик за секоја професионална армија е да спроведува операции во такво непријателско опкружување, каде терористите користат тунели на места како што се болници, училишта, џамии“, рече тој.
Британскиот јавен сервис Би-би-си попладневно објави дека ги анализирале снимките и ја потврдиле автентичноста на локацијата, се работи за училиштето Фахура.