Кај еден од осомничените во акцијата „Шпион“ е пронајдена богата порно архива.
Во неговиот домот била пронајдена богата видео секс-архива, објави македонскиот интернет портал Прес 24, повикувајќи се на извори од истрагата.
Осомничениот снимал експлицитни порнографски материјали во кои самиот бил во главната улога.
Според првичните и неофицијални информации меѓу снимките има и личности од јавниот живот, пишува порталот. Дел од снимките најверојатно се направени во земјава, меѓутоа има и снимки за кои што неименуваниот извор од истрагата не можел да ја одреди локацијата, па го искажал своето сомневање дека станува збор за снимки направени надвор од земјава.
Речиси сите видео материјали биле направени на екстра луксузни локации, а голем број од нив се снимани со повеќе од една камера, пишува порталот. Во речиси сите снимки, снимените жени не знаеле дека се наоѓаат пред камери.
Се уште нема информации, дали сексуалните активности осомничениот ги снимал за да потоа со нив ги уценува жените или пак само си правел приватна видео архива.