Прекинувајќи го молкот по повеќе од еден месец од почетокот на војната меѓу Хамас и Израел, Советот за безбедност на ОН, досега поделен, повика на повеќедневна хуманитарна пауза“ во Појасот Газа.
Во резолуцијата што ја подготви Малта и беше прифатена со 12 гласа „за“ и три воздржани (САД, Велика Британија и Русија), „се повикува на продолжени и итни повеќедневни хуманитарни паузи кои би биле доволни“ за испорака на хуманитарна помош до цивили во Газа.
Ваквата формулација го наметнува прашањето колку денови би се сметале за „доволно“. Во претходната верзија на текстот што ја виде АФП, беше побарана прва пауза од пет дена по ред, 24 часа по усвојувањето на резолуцијата.
Резолуциите на Советот за безбедност се обврзувачки, иако некои земји не ги почитуваат.
Во резолуцијата, која ја нагласува состојбата на децата во речиси сите членови, „бара сите страни да ги почитуваат своите обврски според меѓународното право, особено во однос на заштитата на цивилите, пред се децата“.
Во исто време, тој „повикува“ на „итно и безусловно ослободување на сите заложници кои ги држат Хамас и другите групи, особено децата“, без да го осуди крвавиот напад на палестинското движење врз Израел на 7 октомври, во кој околу 1.200 луѓе биле убиени, според израелските власти.
Советот за безбедност неуспешно се обиде да реагира на унифициран начин по нападот на Хамас и одмаздничките израелски бомбардирања.
Советот, уште еднаш покажувајќи ги старите разлики во ставовите за израелско-палестинското прашање, во октомври една по друга отфрли четири нацрт-резолуции, поради руското и кинеското вето на едната и американското од друга страна.
Амандманот испратен од Русија, со кој како и Генералното собрание бараше „итна и трајна хуманитарна пауза што ќе овозможи прекин на непријателствата“ беше отфрлен.
„Би сакал да ги прашам нашите американски колеги кои отфрлаат сè што може да укаже на потребата од прекин на непријателствата: дали ова значи дека сакате војната на Блискиот Исток никогаш да не заврши?“, рече рускиот амбасадор Василиј Небензја.