Кривичниот совет на Вишиот суд во Белград го потврди обвинението против родителите на К.К., коj го изврши масакрот во основното училиште „Владислав Рибникар“ на 3 мај.
Покрај таткото и мајката, обвинети се и сопственикот на стрелачкиот клуб „Партизан практично стрелање“ и инструкторот во тој клуб.
Против наведеното решение е дозволена жалба до Апелациониот суд во Белград, во рок од три дена од денот на приемот на решението, се вели во соопштението на судот.
Главниот јавен обвинител на Вишото јавно обвинителство во Белград, Ненад Стефановиќ, во своето обраќање пред новинарите објави дека обвинителството до судот поднело обвинителен акт против четири лица.
Обвинителот Стефановиќ истакна дека во обвинителниот акт е предложено судот да го осуди таткото Владимир К. на затворска казна од 12 години, мајката Миљана К. на затворска казна од две и пол години, додека за сопственикот на стрелачки клуб „Партизан практично гаѓање“ Ратко И. и инструкторот во тој клуб Немања М. да се осудеaт на по три години затвор.
Обвинението го товари Владимир К. за сторено кривично дело тешки дела против општата безбедност, односно дека го обучувал својот 13-годишен син да ракува со огнено оружје, како и дека не го чувал оружјето како што налага законот.
Вишото јавно обвинителство веднаш поднесе кривична пријава против мајката на момчето, Миљана К., за кривично дело недозволено изработување, држење и држење оружје и распрскувачки материи.
За кривичното дело давање лажна изјава, како што рече Стефановиќ, директно обвинети се претседателот на стрелачкиот клуб „Партизан практично гаѓање“ Ратко И. и инструкторот во тој клуб Немања М.