Либанската група Хезболах повторно отвори оган врз израелските војници. Хезболах истрела ракети и гранати врз позиции на израелската армија. Новото видео објавено од либанска политичка партија и милитантна група го прикажува уништувањето на позиции на израелската армија. Може да се забележат и борци на Хезболах како учествуваат во жестока битка. На крајот од видеото се прикажува како се отвора капакот на ракетен фрлач по што се појавува порака: „Ова не е доволно“.
A day before its leader Sayyed Hassan Nasrallah's speech, Hezbollah released this video
(with subtitles) pic.twitter.com/0zfueLxyxQ
— Iran Observer (@IranObserver0) November 10, 2023
ИДФ соопшти дека четворица нејзини војници биле тешко ранети во нападите. На 3 ноември, генералниот секретар на Хезболах и лидер Хасан Насралах им се обрати на поддржувачите во Либан, велејќи дека неговата група ќе го зголеми воениот притисок врз Израел.
Тензиите се разгореа долж границата меѓу Израел и Либан во услови на повремена размена на оган меѓу израелските сили и Хезболах, во најсмртоносните судири откако двете страни влегоа во војна во 2006 година.
Насралах најави дека денеска повторно ќе и се обрати на јавноста.