Војската на Израел денеска соопшти дека нејзините повици до Палестинците во Појасот Газа да се евакуираат кон југ, далеку од главниот фокус на војната против Хамас, сега се итни.
„Во текот на изминатите две недели, ги повикувавме жителите на северниот дел на Појасот Газа и градот Газа привремено да се преселат на југ. Поместувањето на југ е за нивна безбедност“, рече воениот портпарол Даниел Хагари.
„Денеска нагласуваме дека ова е итен повик“, рече тој на телевизискиот брифинг. Хагари додаде дека бројот на луѓе потврдени како заложници во Газа по прекуграничниот напад на Хамас врз јужен Израел на 7 октомври се искачи на 239.