Речиси половина од Израелците сакаат да се откажат од каква било инвазија на Газа, покажува новата анкета објавена денеска во весникот „Маарив“.
На прашањето дали армијата треба веднаш да започне копнена офанзива од големи размери, 29 отсто од Израелците се согласиле, додека 49 отсто рекле дека би било подобро да се почека, а 22 отсто се неодлучни. Резултатите се во спротивност со минатонеделната анкета која покажа 65 отсто поддршка за голема офанзива.