Здравствените работници во Газа мора да носат „ужасни одлуки“ за тоа кому да помогнат поради ограничените ресурси, изјави портпаролот на Светската здравствена организација (СЗО).
Тарик Јашареви изјави за Sky News дека е „очајно загрижен“ за ситуацијата во Газа, особено во северниот дел на Појасот. Тој рече дека има повеќе од 200 пациенти во 22 болници во Газа, додавајќи дека СЗО побарала од Израел да ја преиспита својата наредба за евакуација на цела северна Газа, дом на повеќе од милион луѓе.
„Пациентите не можат да се преместат без да се загрозат нивните животи“, рече тој, додавајќи: „Размислете за новороденчиња во инкубатор или луѓе на механички вентилатори или бремени жени со компликации.
„Навистина е тешко да се побара од здравствените работници да ги изложат на ризик нивните пациенти со нивно преместување. Лекарите се соочуваат со тешки избори во моментов“, рече Јашареви, додавајќи дека треба да се дозволи пристап до Газа за доставување медицински материјали до цивилите таму.
„Понекогаш работниците за итни случаи треба да донесат ужасни одлуки за тоа кому да помогнат и кого да го остават“, тврди тој, а потоа додаде: „Самите здравствени работници ги ставаат во опасност нивните животи“.