Црногорскиот ракометар Ристо Вујачиќ е во Рамат Хашарон, кој е оддалечен два-три часа со автомобил од Газа и местото каде што се водат борбите.
Вујачиќ за порталот РТЦГ изјави дека моментално е безбеден, но дека никој од црногорската влада не контактирал со него од почетокот на нападот.
„Јас сум во Рамат Хашарон, кој е оддалечен приближно два до три часа со автомобил од Газа и местото на конфликтот. Во моментов сум безбеден. Од почетокот на нападот, никој од црногорската влада не контактирал со мене, изјави Вујачиќ.
Тој рече дека во градот каде што се наоѓа, секоја куќа има свој бункер и имаат одредено време во кое треба да стигнат до него кога ќе се слушне звукот на сирената.
„Кога ќе се огласи сирената на почетокот на нападот и имаме 90 секунди да влеземе во бункерот. Во градот каде што моментално живеам, речиси секоја куќа има свој бункер, така што е можно да се стигне до него за толку краток период“, објаснува Вујачиќ.
Според Вујачиќ, тој останува во бункерот додека не се исклучи сирената.