Поранешниот напаѓач на бројни израелски клубови, Лиор Асулин, е убиен на 43-годишна возраст за време на војната во Израел.
Овој 43-годишен поранешен напаѓач, не знаејќи дека војната започнала, отишол на рејв забава во пустината, а потоа падобранците на Хамас упаднаа и убија голем број луѓе во саботата наутро.
Денеска водечкиот израелски спортски портал „Спорт 5“ објави дека телото на Асулин е пронајдено и дека и официјално е прогласен за мртов. Според извештаите од Израел, несреќниот Асулин всушност приредил забава за својот 43-ти роденден во клуб во близина на Кибуц Раим во пустината. Таму се инфилтрирал Хамас, а по 24-часовна потрага и испрашување било утврдено дека меѓу жртвите е и поранешниот напаѓач.
Асулин ја започна својата кариера во Макаби Херцли, а играше и за Макаби Петах Тиква, Бнеи Сакнин, Беитар Ерусалим, Бнеи Јехуда, Хапоел Тел Авив, Хапоел Бер Шева, Хапоел Рамат Ган, Хапоел Ришин Лезион, Хапоел Ашкелон, Хапоел. и Аполон од Лимасол во странство.