Најмалку сто лица се ранети, а петмина ги загубија животите во ракетен напад што утринава беше извршен од Појасот Газа врз јужен и централен Израел. Хамас ја презеде одговорноста, а Израел прогласи воена состојба и започна контранапад.
Портпаролот на армијата објави дека од утринава се истрелани над 2.200 ракети кон Израел, а израелските сили се борат против членовите на Хамас на најмалку седум локации.
Израелскиот министер за одбрана објави вонредна состојба на 80 километри од Појасот Газа.
– Хамас направи голема грешка утрово – изјави Јоав Галан, израелскиот министер за одбрана и додаде дека милитантната група Хамас започна војна против Израел, но дека „Израел ќе победи“, пренесува Асошиејтед прес.
Како што вели за Мондо Горан Мекиќ од Израел, тој е во прифатилиште со семејството.
-Јас сум на четири километри од Појасот Газа, во засолниште сме и вооружени сме – вели Мекиќ.
Тој додава дека има повредени во кибуцот, земјоделската задруга каде што се наоѓа.
– Има и повредени од кибуцот, тука е хаос. Во моментов се фокусираме на она што се случува овде – вели соговорникот.