Претседателот на РС Милорад Додик беше во Будимпешта каде имаше средба со унгарскиот премиер Виктор Орбан, а по средбата рече дека секогаш е убаво да се седи со пријателите.
Додик истакна дека со Орбан имал добар и пријателски разговор.
„Секогаш е добро да се разговара со пријателите во опуштена атмосфера, бидејќи РС се соочува со бројни притисоци од Западот, чии претставници се однесуваат арогантно и не сакаат да слушнат за проблемите и барањата на другите во Босна и Херцеговина“, изјави Додик за новинарите по средбата.
Посочи дека разговарале за енергетиката, особено за ветерниот парк.
„Унгарија е подготвена да ги преземе енергетските проекти што требаше да се направат со Германците, кои сега ја блокираат работата на таков начин што не сакаат да се повлечат од проектот“, нагласи Додик.
Според него, Унгарија се соочува со критики и во Европската унија бидејќи сака да ја заштити заедницата на Унгарците во Украина.