Унгарскиот премиер Виктор Орбан денеска изјави дека мора да се најдат начини за враќање на мирот во Европа.
На отворањето на самитот на европската политичка заедница во Будимпешта, тој истакна дека на самитот ќе се разговара за безбедносните предизвици со кои се соочува Европа и дека некои од прашањата ќе вклучуваат како Европа може да преземе поголема одговорност за својата безбедност и мир во иднина, како континентот да биде поуспешен во остварувањето на сопствените интереси и да стане одлучувачки играч во дискусиите и случувањата кои ќе одлучуваат за неговата иднина.
„Тие прашања станаа особено актуелни по претседателските избори во САД кои штотуку се одржаа. Иднината на нашите трансатлантски односи е незаменлива компонента на европската безбедносна архитектура. Одговорите дадени сега би можеле да одлучат за иднината на Европа со децении. Ние верувајте дека заедно можеме да бидеме посилни отколку сами“, рече Орбан, пренесува МТИ.
Орбан додаде и дека европската политичка заедница мора да разговара за геополитичките прашања, како и дека лидерите ги поврзува заеднички интерес и заедничка одговорност за Европа.
Знаеме дека имаме заеднички одговорности и ви посакувам плодна дискусија“, рече Орбан на отворањето на средбата.