Пензионерите во Општина Центар го добија второто катче за дружење. Просториите на урбаната заедница “Мирче Ацев“ од денеска се место каде што возрасните граѓани од општината ќе можат да другаруваат, да се информираат и да играат шах и табла.
Павле Спасев од Здружението на пензионерите на Општина Центар во име на сите изрази благоданорст за отстапената просторија од општината.
“Благодарни сме за добрата соработка со општината и градоначалникот Жерновски. Му посакуваме долг живот и подготвени сме за понатамошна соработка“, рече Спасев.
Градоначалникот Жерновски посочи дека ова е втор клуб кој што, како што и самиот вети во изборната програма, го отвара во општината. Задоволен е од соработката со пензионерите и возрасните лица.
“И натаму ќе соработуваме, ќе отвориме вакви клубови и на други места на територијата на Општина Центар затоа што како што рековме, ќе водиме грижа не само за младите туку и за возрасните. Ви посакувам да имате убави моменти за дружење“, изјави градоначалникот Жерновски.