Турција изрази „скептичен оптимизам“, откако САД и Русија вчера постигнаа договор за уништување на хемиското оружје во Сирија до средината на 2014 година.
– Турција во принцип го поздравува уништувањето на секој вид оружје за масовно уништување во светот и во регионот, вклучувајќи го и хемиското. Затоа Анкара го поздравува договорот, постигнат во Женева меѓу САД и Русија и го смета за позитивен чекор, се наведува во соопштение на турското МНР.
Во соопштението се наведува дека сирискиот режим „не треба да го злоупотребува договорот, за да добие време за извршување нови злосторства врз сирискиот народ“.